எம்.வி. வெங்கட்ராம் நினைவு தமிழ்ச் சிறுகதைப் போட்டி

தமிழ்ச் சிறுகதை எழுத்தாளர் எம்.வி. வெங்கட்ராம் நினைவு சிறுகதைப் போட்டி அறிவிக்கப்பட்டுள்ளது.

இதுதொடர்பாக அன்னை திறனேற்றப் பயிற்சித் திண்ணை (அதிதி) அறக்கட்டளை சார்பில் வெளியிடப்பட்டுள்ள செய்திக்குறிப்பு: அவ்ராம்அமி அறக்கட்டளை, அதிதி அறக்கட்டளை ஆகியவை இணைந்து எம்.வி. வெங்கட்ராம் நினைவு தமிழ்ச் சிறுகதைப் போட்டிகளை நடத்தத் திட்டமிட்டுள்ளன.

தமிழ்ச் சிறுகதை இலக்கிய வளர்ச்சிக்குப் பங்காற்றியவர் எம்.வி. வெங்கட்ராம். 1993-ல் இவர் எழுதிய "காதுகள்' என்ற புதினத்துக்கு சாகித்ய அகாதெமி விருது கிடைத்தது.

மேலும், விக்ரஹநிவாசன் என்ற புனைபெயரில் இவர் கவிதைகளும் எழுதியுள்ளார். 14.1.2000-ல் மறைந்த எம்.வி. வெங்கட்ராம் நினைவாக நடத்தப்படவுள்ள இந்தப் போட்டியில், "வீடே மறுவாழ்வு இல்லம், பெற்றோரே மறுவாழ்வு நிபுணர், ஊரே மறுவாழ்வு இல்லம்' என்னும் கருத்தை மையமாக வைத்து, சொந்தக் கற்பனையில் தமிழில் எழுதப்பட்ட சிறுகதைகள் பொதுமக்களிடம் இருந்து வரவேற்கப்படுகின்றன.

6 முதல் 8 பக்கங்கள் வரை சிறுகதை எழுதப்பட்டு இருக்கலாம். சிறுகதை எழுதியவரின் பெயர், முகவரி, தொலைபேசி எண் ஆகியவற்றுடன், சிறுகதைகளை நவம்பர் 30-க்குள் அனுப்ப வேண்டும். ஒருவர் 3 சிறுகதைகள் சமர்ப்பிக்கலாம். மொழிபெயர்ப்பு சிறுகதைகள் மற்றும் சிறுவர் சிறுகதைகளை அனுப்ப வேண்டாம். தேர்வு செய்யப்படும் முதல் 3 சிறுகதைகளுக்கு ஜனவரி 26-ல் நடைபெறவுள்ள விழாவில் பரிசுகள் வழங்கப்படும். சிறுகதையை, அதிதி அறக்கட்டளை, 142, கீழவெளி வீதி, மதுரை- 625 001 என்ற முகவரிக்கு அனுப்ப வேண்டும் எனத் தெரிவிக்கப்பட்டுள்ளது.

- நன்றி தினமணி